Rafa Domínguez trata o tema da depuradora cos afectados de Praceres, que tamén rexeitan a creación do novo emisario
Por Redacción
O presidente do Partido Popular de Pontevedra, Rafa Domínguez, achegábase na mañá deste domingo ata a parroquia de Lourizán para manter un encontro con representantes veciñais contrarios á ampliación da depuradora dos Praceres. Domínguez quixo manifestarlles o seu apoio con motivo da concentración que os afectados organizan todos os domingos.
O portavoz municipal do PP explicou que a actual depuradora "non depura" e é necesario, segundo comentaba, unha mellora porque entende que se está prexudicando á ría de Pontevedra. Rafa Domínguez indicou que corresponde ao alcalde de Pontevedra, Miguel Anxo Fernández Lores, ofrecer unha alternativa. "Se se opón á ampliación debe explicar que é o que quere", comentou o representante do PP.
Durante este encontro, Rafa Domínguez dixo que ata agora o goberno local nunca mostrou a súa oposición á ampliación da actual EDAR e esixe a Lores "que deixe de mentir aos veciños". Lamentou tamén que o goberno de Lores, tras catro meses, continúe sen recibir os veciños afectados. "Lores sabía perfectamente o que se ía a facer, nunca se opuxo e por iso non quere dar a cara ante os veciños porque resultaría moi difícil de explicar esta postura", recalcou.
Rafa Domínguez comunicáballe o pasado xoves á conselleira de Infraestruturas, Ethel Vázquez, a necesidade de revisar a proposta de ampliación da depuradora cara ao campo de fútbol para que a Xunta busque outras alternativas.
REXEITAMENTO VECIÑAL AO NOVO EMISARIO
Os veciños de Lourizán decidiron este domingo en asemblea que defenderán unha postura de oposición ao proxecto da Xunta do novo emisario, en fase de exposición pública. Afirman que os motivos do rexeitamento a este proxecto son que supón unha ampliación encuberta e constitúe "a primeira pedra da ampliación".
Apuntan a que no anteproxecto consta que a canalización para a EDAR sería común para os concellos de Pontevedra, Marín, Poio e parte de Vilaboa cun horizonte de futuro de varias décadas. Deste xeito, entenden que este emisario só pode xustificarse coa ampliación da depuradora de Praceres, á que son contrarios, para que Pontevedra siga a centralizar o saneamento destes municipios.
Este colectivo de afectados reclama a creación de estacións depuradoras en Marín e Poio.
Relacionadas:
-
O PP promete un plan de emprego, un novo PXOM, crear chan industrial e unha baixada de impostos
Por Oskar Viéitez |
-
Rafa Domínguez será presentado este sábado como candidato do PP á Alcaldía de Pontevedra
Por Redacción |
-
A veciñanza de Lourizán solicita formar parte da mesa do saneamento da ría
Por Oskar Viéitez |
-
Costas asegura non ter "ningunha constancia" do proxecto para ampliar a depuradora
Por Redacción |
-
Lourizán preguntará a Maica Larriba que pensa o Goberno da ampliación da depuradora
Por Redacción |
-
Rafa Domínguez traslada a Ethel Vázquez a preocupación veciñal pola ampliación da EDAR
Por Redacción |
-
O Concello reitera que a EDAR actual "dá de sobra" para atender a Pontevedra
Por Alejandro Espiño |
-
Os veciños de Lourizán esixen a Augas de Galicia que retire inmediatamente o proxecto de ampliación da EDAR
Por Oskar Viéitez |
-
A Xunta, "sorprendida" polo "cambio de postura" de Pontevedra coa depuradora
Por Alejandro Espiño |