Patrimonio autoriza o skate park da Praza do Corgo no Grove
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Patrimonio da Xunta de Galicia trasladou ao Concello do Grove a autorización para que poida acometer a obra de construción do skate park da praza do Corgo.
Esta obra conta con financiamento a cargo do Plan Concellos da Deputación de Pontevedra.
O goberno local que dirixe José Cacabelos solicitara a Portos de Galicia o permiso para executar a obra xa en abril de 2017 e agora, tras a autorización de Patrimonio, desde o Concello agardan que se acelere a tramitación para levar a cabo o proxecto canto antes.
Cacabelos alerta xa de que a lentitude de Portos de Galicia nas tramitacións "entorpece" o correcto desenvolvemento dos investimentos previstos polo municipio e, en diversas ocasións, puxo en perigo axudas recibidas doutras administracións causando un grave prexuízo á cidadanía.