Barro, Caldas, Cuntis, Moraña e Portas traballan na continuidade do Servizo de Atención Temperá

Por Redacción
Os concellos de Barro, Caldas de Reis, Cuntis, Moraña e Portas queren seguir prestando o Servizo de Atención Temperá.
A pesar de que non é un asunto que entre nas súas competencias, nestes momentos o Concello de Cuntis xestiona un programa para toda a comarca e traballa na súa continuidade ao tramitar o correspondente expediente ante a Consellería de Política Social.
Faino, asegura o goberno local, asegurándose de cumprir coa legalidade vixente e coa estabilidade orzamentaria dos concellos, pero entendendo que se trata dun servizo "esencial".
O Servizo de Atención Temperá está dirixido a nenas e nenos menores de 6 anos e á súa familia e contorna co obxectivo de dar resposta canto antes ás necesidades que presentan os menores con trastornos no desenvolvemento ou en risco de padecelos.
Relacionadas:
-
Cume dos alcaldes do Umia para renovar o servizo de Atención Temperá a menores
Por Redacción |
-
Cuntis recibe unha axuda de 72.000 euros da Xunta polo servizo mancomunado de atención temperá
Por Redacción |
-
Cuntis xestionará o programa de atención temperá para menores con trastornos de cinco municipios
Por Redacción |