O sector de elaborados do mar convoca folga indefinida a partir do 15 de novembro
Por Redacción
Os representantes sindicais da CIG, CC.OO. e UXT decidiron este venres en Pontevedra convocar unha folga indefinida a partir do próximo día 15 de novembro no sector de elaborados do mar. O paro desconvocaríase se antes desa data acadan un acordo coa patronal e chega a pactarse un novo convenio colectivo atendendo ás demandas do persoal.
Ademais, os sindicalistas elaboraron un calendario de asembleas en todas as empresas deste sector na provincia e levarán as súas reivindicacións ao Parlamento de Galicia o vindeiro martes 6 durante o debate que se desenvolverá durante esa xornada.
O 9 de novembro tamén está previsto que leve a cabo un acto coa presenza dos portavoces dos grupos parlamentarios no Porto de Marín en apoio ás reivindicacións dos persoais, que se atopan afectadas por este conflito laboral.
Ademais iniciarase unha repartición de folletos informativos nos establecementos das grandes cadeas de distribución a partir do día 12 e os representantes sindicais queren aumentar a presión sobre a Xunta de Galicia para que as empresas que reciben subvencións públicas cambien a súa actitude e acepten as melloras que o persoal solicita nas negociacións.
Relacionadas:
-
Ameaza de folga no sector de elaborados de produtos do mar ao non chegar a acordo na negociación do convenio
Por Mónica Patxot & Anxo Lourido |
-
As traballadoras de elaborados do mar aceptan masivamente o preacordo do convenio
Por Oskar Viéitez |
-
En Marea cualifica de "vergoña" que o sector de elaborados do mar "non sexa capaz de garantir o salario mínimo"
Por Redacción |
-
VIDEO.- Tres mulleres feridas durante a intervención policial contra un piquete no porto de Marín
Por Oskar Viéitez |
-
As traballadoras dos elaborados do mar non ceden e volven parar o sector
Por Oskar Viéitez |
-
O persoal das empresas de produtos elaborados do mar volve á folga esta madrugada
Por Redacción |