![](/web/cache/scene/uploads/fotos/foto/114/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5c01b0dab8-20181130_222600.jpg)
© PontevedraViva
Jaime Olmedo supera a 'segunda volta' e é reelixido como presidente do Liceo Casino
![](/web/cache/scene/uploads/fotos/foto/563/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c015ee8b6-20181130-patxot-elecciones-casino-0915.jpg)
© Mónica Patxot
![](/web/cache/scene/uploads/fotos/foto/bad/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c01b0cd03-20181130_192417.jpg)
© PontevedraViva
Esta vez non houbo empate, aínda que o sucedido hai dous meses motivou unha maior participación electoral co resultado da vitoria clara da candidatura de Jaime Olmedo, que desta maneira renova a súa presidencia á fronte da histórica entidade pontevedresa por un novo período de catro anos, impoñéndose á candidatura encabezada por Alejandro Regueiro.
Se o 28 de setembro foran 919 os socios con dereito a voto que exerceron a súa opción, nesta ocasión a cifra incrementouse ata os 1.164, despois dunha segunda e moito máis intensa campaña electoral que concluíu cunha nova longa e animada xornada de votación realizada ao longo deste venres.
Unha vez pechadas as votacións, ás 20:00 horas, procedeuse a realizar o escrutinio da única mesa disposta nesta ocasión no salón nobre, arroxando un resultado de 627 votos a favor de Olmedo, 527 votos que optaban por Regueiro, con 5 votos en branco e 5 nulos.
A pesar de que ningún conseguía despegarse con claridade no escrutinio, as noticias que se ían filtrando aos numerosos socios que esperaban o resultado do reconto noutras salas e na cafetería da entidade, apuntaron pronto a un resultado favorable a Olmedo, como logo confirmouse, coa consecuente alegría duns e a decepción doutros.
A continuación, ás 22:30 horas, celebrouse unha Xunta Xeral de socios na que se procedeu á proclamación da candidatura gañadora de Jaime Olmedo para seguir rexendo os destinos do Liceo Casino nos próximos catro anos.
Eleccións á presidencia do Liceo Casino de Pontevedra
Eleccións á presidencia do Liceo Casino de Pontevedra
© Mónica Patxot / PontevedraViva
Relacionadas:
-
O Liceo Casino 'presenta en sociedade' 11 mozas no seu tradicional Baile da Peregrina
Por Sofía Lorenzo & Redacción |
-
Regueiro e Olmedo pechan campaña animando aos socios do Casino a votar para desfacer o empate
Por Ramiro Espiño |
-
A candidatura de Alejandro Regueiro celebra unha festa no Liceo Casino
Por Diego Torrado & Redacción |
-
Olmedo e Regueiro volven disputar a presidencia do Liceo Casino
Por Ramiro Espiño |
-
Os socios do Liceo Casino volverán votar o 30 de novembro para desfacer o empate Olmedo-Regueiro
Por Redacción |
-
As eleccións do Casino terminan nun inesperado empate entre Olmedo e Regueiro
Por Ramiro Espiño |