Vilagarcía desTápase
Por Aitana Vidal
Vilagarcía desTaparase durante nove días. Farao a través da gastronomía, pero co apoio da música e o ocio en xeral no marco da primeira ruta das tapas da localidade.
A ruta 'DesTapa Vilagarcía' desenvolverase, na súa primeira edición, entre os días 7 e 16 de xuño. A actividade incluirá actuacións musicais en directo, exhibicións de hostaleiros, concursos e distintas actividades de animación de rúas e locais.
O alcalde, Tomás Fole; o presidente da Asociación de Hostalería e Iniciativas Turísticas, Roberto Gerpe; e o director comercial de Disalsa, Joaquín Martínez, presentaron o evento este xoves nos bancos do xardín de Ravella.