Ponte Caldelas súmase á xornada de deseucaliptización convocada polo Día Internacional dos Bosques
Por Redacción
O Día Internacional dos Bosques celebrouse en Ponte Caldelas sumándose á campaña de deseucaliptización convocada polo colectivo Cousa de Raíces.
Neste caso a actividade foi organizada pola organización ambientalista A Rente do Chan, coa colaboración do Concello.
Varias brigadas de voluntarios dedicaron a mañá para retirar eucaliptos de varias parcelas custodiadas, cedidas polos veciños, no lugar de Gradín.
A xornada, de duro traballo, serviu tamén para fixar varias caixas niño co obxectivo de axudar á recuperación da fauna na zona.
Ademais de veciños do municipio, entre os participantes atopábanse o alcalde e tenente de alcalde da corporación local.