En Marea: "A presenza de ENCE supón a contaminación da Ría, pero tamén é un exemplo de corrupción por parte do PP"
Por Redacción
Luís Villares, voceiro de En Marea, e a candidata pontevedresa desta formación política ao Congreso, Iris Malvido visitaban este venres a ría de Pontevedra para manifestar que esta agrupación quere a Ence fóra do seu actual emprazamento.
Ambos os representantes realizaron un percorrido en barco para comprobar o estado da ría, acompañados por outros dirixentes de En Marea. Luís Villares manifestou que o Partido Popular realizou unha prórroga ilegal de Ence e esta situación entende que é un exemplo de como a contaminación e a corrupción se dan a man. Para o líder de En Marea, a presenza da fábrica pasteira supón a contaminación da auga e do aire ademais da imposibilidade dun desenvolvemento racional da ría pontevedresa, ademais dun exemplo da corrupción por parte do PP, ao poder facer uso das portas giratorias e entrar nos consellos de administración desta empresa.
Villares criticou que o PSOE non aposte por facer unha política distinta á do Partido Popular e acusou os socialistas de ser "cómplice" de que a fábrica de celulosa continúe no estado actual porque durante o últimos dez meses tivo na súa man anular a "prórroga ilegal". O portavoz de En Marea arremeteu tamén contra Podemos porque está a gardar silencio sobre Ence.
Iris Malvido, a candidata ao Congreso, mantivo tamén nas súas declaracións a defensa dun modelo moito máis sustentable porque "non hai planeta B nin Galicia B".
Relacionadas:
-
Marea Pontevedra incorpora ao seu programa "as prioridades da comunidade xitana"
Por Oskar Viéitez |
-
O Concello cre que a Xunta "se pasa de frenada" no seu "ánimo" de defender a ENCE
Por Alejandro Espiño |
-
Ence atribúe ao Goberno estatal un modo de actuar "propio dun réxime bolivariano"
Por Natalia Puga |
-
Ana Pontón avisa a Ence e o PP que, a pesar das pintadas ameazantes a Carme da Silva, "o BNG non se amedrenta"
Por Natalia Puga & Diego Torrado |
-
Rafa Domínguez critica que Pedro Sánchez non escoitara os traballadores de Ence "nin 5 segundos"
Por Redacción |
-
Traballadores de Ence viaxan a Vigo en oito autobuses para protestar ante Pedro Sánchez
Por Redacción | Creada e actualizada