Falece José Luis Fernández Sieira, o eterno Amigo de Pontevedra
Por Redacción
José Luis Fernández Sieira, un pontevedrés que sempre foi referencia na Boa Vila como representante da música, a literatura e as artes escénicas, faleceu este domingo 5 de maio aos 81 anos.
Nacido na Pobra no ano 1928, trasladouse coa súa nai a Pontevedra aos dous anos de idade. Desde moi novo interesouse polo mundo artístico. Aos 18 anos ingresou na Filarmónica, entidade que presidiría entre 1984 e 1994. Tras esa década á fronte da sociedade recibiu o nomeamento de presidente de honra. Tamén recibiu a insignia de ouro da Coral Polifónica.
Durante os últimos anos presidiu Amigos de Pontevedra, a agrupación que todos os anos premia durante as festas da Peregrina a aqueles pontevedreses que se caracterizaron polo seu labor profesional.
Desde principios dos anos 80, o propio Fernández Sieira, pai da xornalista Loreto Fernández de Televisión Española, elaboraba as descricións dos galardoados ata que en 2017 pasou a testemuña ao xornalista Xabier Fortes.
O velorio está situado nas salas Virxe do Camiño, nas instalacións do antigo asilo. A partir das 17.00 horas deste luns terá lugar o funeral na basílica de Santa María
Relacionadas:
-
Comeza a nova tempada da Sociedade Filarmónica de Pontevedra
Por Redacción |
-
Amigos de Pontevedra premia aos campións internacionais Silvia Aguete e Pablo Dapena
Por Manu Otero |
-
A Banda de Música de Salcedo lembra a Fernández Sieira no concerto do Día das Letras Galegas
Por Diego Torrado & Redacción |
-
RADIO.- Cara a cara con José Luis Fernández Sieira... e os seus Amigos
Por Marisa Ciordia |
-
Xabier Fortes toma o relevo de Fernández Sieira como creador de semblanzas dos Amigos de Pontevedra
Por Mónica Patxot & Anxo Lourido |