O BNG cualifica de "okupa" á Xunta polas súas instalacións nos terreos da Xunqueira de Alba
Por Redacción
O deputado do BNG, Luís Bará formulou unha pregunta na Comisión de Ordenación territorial sobre as previsións da Xunta para abandonar as instalacións nos terreos da Xunqueira de Alba como prevé o ENIL, Espazo Natural de Interese Local, aprobado pola Xunta.
Tras a resposta da directora xeral de Conservación da Natureza, Belén Docampo, o nacionalista manifestou que a Xunta está actuando como "okupa" duns terreos que como afirmou a directora xeral, dixo Bará, "non conta con ningún documento da concesión".
Luís Bará denunciou o estado dos terreos convertidos nunha "escombreira" con "acumulación de vehículos abandonados, restos de obras, maquinaría e vehículos de empresas contratadas pola Xunta".
Para o nacionalista, a directora xeral na súa resposta "botou balóns fóra" polo que reclamou que a Xunta lidere a saída das diferentes administracións na Xunqueira de Alba e permita "recuperar os terreos para crear un grande parque público con zona verde nas proximidades da beira do río e da cidade de Pontevedra".
Resulta "inadmisible", reiterou Bará, que a Xunta actúe como "okupa" duns espazos públicos con instalacións que poden ser trasladadas a outros terreos.
Relacionadas:
-
A Deputación inicia o proceso para trasladar o Parque de Maquinaria ao polígono de Barro e recuperar a Xunqueira de Alba
Por Oskar Viéitez & Cristina Saiz |
-
Costas rexeita prorrogar a concesión á gasolineira do Burgo e o Concello xa pensa en convertela en zona verde
Por Oskar Viéitez | Creada e actualizada
-
Costas ve como una "posibilidad viable" construír a cidade deportiva do Pontevedra na Xunqueira de Alba
Por Diego Espiño |
-
O BNG demanda á Xunta que libere os terreos de dominio público que ocupa na Xunqueira de Alba
Por Redacción |