A Xunta ampliará o catálogo da Central de Transporte e permitirá usos mixtos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/1b5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5d8e2e767d-andres-diaz-reunion-1.jpg)
© Concello de Ponte Caldelas
O director xeral do Instituto Galego da Vivenda e Solo (IGVS), Heriberto García, e o alcalde de Ponte Caldelas, Andrés Díaz, mantiveron un encontro este venres en Santiago para analizar os cambios que a Xunta de Galicia introducirá no proxecto sectorial da Central do Transporte.
Desde a administración autonómica queren adaptar este espazo ás necesidades actuais e potenciar a oferta de solo empresarial para toda a zona de Pontevedra. A través da modificación, desde a Xunta quérese promover a parcelación e o uso das parcelas, ademais de aliñar as naves que se constrúan e mellorar os servizos e dotacións dos espazos do parque empresarial.
Andrés Díaz mostrouse satisfeito polo resultado da reunión ao entender que esta decisión permitirá ampliar o catálogo de usos da Central de Transportes, de forma que unha parte das parcelas seguirían utilizándose para uso loxístico mentres que outras se poderían destinar a outros usos, ofrecendo novas alternativas a empresas interesadas en desenvolver a súa actividade en Ponte Caldelas.
Desde a Xunta de Galicia calculan que a modificación puntual do Plan Sectorial da Central de Transportes estará lista nun prazo de entre 6 e 8 meses. Unha vez realizada, acometeríase a obra civil, o proxecto de obras complementarias para a nova urbanización que incluiría beirarrúas, un proxecto de adaptación de tubaxes e aparcamentos, entre outras intervencións. Estes traballos correrían a cargo da Xunta de Galicia.
Este proxecto atopábase bloqueado desde fai tres anos, segundo afirma o alcalde de Ponte Caldelas. A Central de Transportes ofrece máis de 37.000 metros cadrados de chan industrial, que se sumarían ás 14 parcelas dispoñibles do polígono da Reigosa, con máis de 136.000 metros cadrados.
Relacionadas:
-
A central de transportes modifica os seus usos e ábrese a proxectos industriais e terciarios
Por Oskar Viéitez |
-
Modifican a Central de Transportes para incluír un novo acceso, máis aparcamentos e zonas verdes
Por Redacción |
-
Ponte Caldelas reclama á Xunta seis millóns para avanzar no saneamento do rural
Por Redacción |
-
Andrés Díaz, "agradecido" polo desbloqueo da Central de Transportes de Ponte Caldelas
Por Redacción |
-
A Xunta intenta revitalizar a Central do Transporte de Ponte Caldelas
Por Redacción |