A Casa do Pobo de Corredoira xa é de propiedade municipal
Por Redacción
25.000 euros. É o diñeiro que pagará o Concello de Cerdedo-Cotobade para adquirir a Casa do Pobo de Corredoira, ata o de agora propiedade do Estado. O inmoble será rehabilitado para que sexa usado pola parroquia para actividades veciñais, sociais e culturais.
Esta operación lévase negociando dende o ano 2017, xa que había fortes diferenzas entre a oferta municipal de 14.000 euros e as pretensións económicas do Estado para a enaxenación do inmoble, xa que pedía 36.000. Varios peritaxes e taxacións permitiron chegar a unha cifra intermedia que satisfai a ambas partes.
O alcalde, Jorge Cubela, amosou a súa satisfacción porque finalmente se desbloqueara a situación e se chegara a un acordo "cun prezo que creo que é xusto e que dá unha solución boa para todos ".
Agora queda por formalizar a compravenda no que resta de ano co pago dos 25.000 euros con cargo ao Plan Concellos e despois de que o goberno local aprobe a operación.
Posteriormente, afrontarase unha completa rehabilitación do inmoble cunha partida estimada duns 70.000 euros, segundo o anteproxecto presentado e que se enmarca no Plan de Centros Veciñais, co que se actúa neste momento en Fentáns, Cutián e Tenorio. Ao seu remate cederase o seu uso aos veciños.
Relacionadas:
-
Cerdedo-Cotobade acometerá este ano a reforma da Casa do Pobo de Corredoira
Por Redacción |
-
Cubela xa pensa na reforma da Casa do Pobo de Corredoira despois de asinar a súa compra
Por Oskar Viéitez |
-
A recta final do Plan de Centros Veciñais arranca coa reforma da Casa do Pobo de Cutián
Por Redacción |
-
O Concello compra a Casa do Pobo de Corredoira por 25.199 euros
Por Redacción |
-
Licitan o acondicionamento interior da Casa do Pobo de Cutián
Por Redacción |
-
Viascón estrea unha Casa do Pobo renovada e accesible
Por Redacción |
-
Acordo co Estado para comprar e rehabilitar a Casa do Pobo de Corredoira
Por Redacción |