A Outubrofest desembarca na Praza de España
Por Manu Otero
Rugby, salchichas, música e moita cervexa. Desde este xoves e ata o domingo, a Outubrofest estará instalada na Praza de España de Pontevedra. Esta importada celebración alemá que organiza por úndécima vez o Pontevedra Rugby Club tivo que abandonar o seu habitual emprazamento na Praza do Teucro porque alí están previstos actos da campaña electoral.
O escenario non é a única novidade desta xa tradicional celebración. Os consumidores poderán gozar tamén de actuacións musicais en directo, unha ludoteca infantil e unha tenda para adquirir pezas do equipo. Tamén nos fogóns hai novidades, pois os clientes poderán acompañar os seus enormes cachorros quentes cunha salsa de curry preparada expresamente para este festexo.
O que non faltará será a cervexa. É a protagonista do evento e hainas para todos os gustos e de diferentes tamaños e, para acompañar, tampouco faltará o clásico codelo.
Da organización e a atención aos clientes, encargaranse, como é costume, a familia do Pontevedra RC. Preto de 150 voluntarios farán quendas ao longo destes catro días para recadar fondos que permitan financiar todas as actividades deportivas da entidade.
A carpa permanecerá aberta todos os días de 12 a 12.
Relacionadas:
-
O Outubrofest pontevedrés xa está en marcha
Por Manu Otero |
-
Volve o Outubrofest, este ano con menú vegano e sen glute
Por Natalia Puga |
-
A Outubrofest trasládase á Praza de España na súa undécima edición
Por Alejandro Espiño & Cristina Saiz |
-
Festín cervexeiro na Praza do Teucro cunha nova edicion da Outubrofest
Por Redacción & Diego Torrado |
-
A Outubrofest do Pontevedra Rugby Club celebra o seu décimo aniversario
Por Diego Espiño |