O rastro solidario da AECC abre as súas portas na rúa Michelena
Por Manu Otero
O tradicional mercado solidario da Asociación Española Contra o Cancro abriu as súas portas este venres na rúa Michelena. Ata o 15 de xaneiro, os consumidores poderán comprar toda clase de produtos e contribuír á loita contra esta enfermidade.
"O diñeiro destínase a axudas sociais, traballo social, campañas de prevención e sobre todo investigación, que é onde lle gañamos a batalla ao cancro", declarou a presidenta da asociación na provincia, Marisé Crespo, na inauguración da vixésimo sexta edición do mercadillo.
Desde o colectivo márcanse como obxectivo para esta campaña superar os 22.000 euros recadados na edición anterior. Entre os artigos que poden atoparse os que se acheguen á antiga sucursal do banco Santander nesta céntrica rúa pontevedresa figuran mobles, roupa, xoguetes, bixutería, cadros...
"A xente vén buscando moita roupa, tamén hai un grupo de expertos anticuarios que veñen sempre en busca da ganga. Hai pezas no mercado a 800 euros que aquí as atopan por 50 ou 60. Un cadro antigo o ano pasado taxáronnolo en 700, puxémolo a 200 e ao día seguinte vendeuse", sinala Crespo.
Explica a presidenta da asociación que desde a delegación de Galicia subvencionaron este ano trece proxectos de investigación, pero co recadado e a colaboración da cidadanía "tentaremos xuntar diñeiro para que sexa algún máis", concluíu.
Relacionadas:
-
Abre o Mercado Solidario da AECC nunha nova ubicación
Por Mónica Patxot & María José Pita |
-
Dous meses por diante para axudar á AECC co seu 'rastrillo' solidario
Por Redacción |
-
Dicir a palabra cancro e combater o medo, obxectivos da AECC no día mundial contra esta enfermidade
Por Manu Otero |
-
A asociación contra o cancro pecha o "rastrillo" con récord de vendas
Por Redacción |
-
"Don Amable", o carriño solidario da asociación contra o cancro
Por Redacción |
-
Un sorriso máis forte que o cancro
Por Manu Otero |
-
Máis de 40 persoas larinxectomizadas participan no programa 'Volver falar' da AECC
Por Redacción |
-
Contra o cancro, non importa se andas ou corres, a cuestión é estar
Por Diego Torrado & Redacción |