O Concello de Marín mellora a estación de bombeo de Aguete
Por Redacción
O Concello de Marín resolverá os problemas de funcionamento da Estación de Bombeo de Augas Residuais ( EBAR) da Goleta, situada preto da praia de Aguete, para acabar cos alivios que chegaban directamente ata o areal. Os técnicos municipais comprobaron que coas choivas producíase un aumento excesivo do caudal que pasa polas bombas da estación, que filtraban cara á praia a través dun colector de formigón xerando un importante impacto ambiental.
Para resolver estas evacuacións de augas pluviais e fecais, o Concello colocará un novo colector para corrixir a saída do actual e mellorar a súa funcionalidade. Tamén dotarán á estación de dous depósitos de retención sólidos que se colocarán á eentrada dos colectores e terán como función filtrar as augas antes de que pasen pola rede. Así mesmo, ampliarase a caseta do cadro de protección e mando.
A actuación inclúe ademais a reposición das bombas para conseguir un incremento do 70 % do caudal de impulsión, de acordo coas estimacións dos técnicos. A obra permitirá tamén reducir o consumo enerxético e alongar a vida útil dos compoñentes das bombas.
Os traballos terán unha duración de tres meses e un orzamento de 161.873,24 euros.
Relacionadas:
-
A modernización da estación de bombeo de Aguete, a piques de concluír a súa primeira fase
Por Redacción |
-
Así será o futuro Paseo Alcalde Blanco cun maior espazo para zonas verdes
Por Oskar Viéitez |
-
Recta final das obras na rúas do Tombo e República Arxentina
Por Oskar Viéitez |
-
Dificultades técnicas adían a instalación do colector na Avenida de Ourense
Por Oskar Viéitez |