Caeuche un dente? Lévao ao Culturgal para colaborar coa investigación científica
Por Cristina Saiz & Anxo Lourido
O Consello Superior de Investigacións Científicas (CSIC) conta cun stand no Culturgal, a Feira das Industrias Culturais, que se desenvolve durante esta fin de semana no Pazo da Cultura. Alí, durante este sábado 30 de novembro, demándanse pezas dentais.
É unha oportunidade única de colaborar na VI Campaña de recollida de dentes do Rato Pérez, que promove o Centro nacional de Investigación sobre a Evolución Humana (CENIEH). Luisa Martínez, responsable da Unidade Científica do CSIC, explicaba que é a primeira vez que esta iniciativa se desenvolve en Galicia desde que en 2014 iniciábase a recollida de dentes co obxectivo de realizar investigacións científicas a través da recompliación e análise de datos.
A responsable desta campaña sinalaba que se quere crear un banco de pezas dentais, tanto de dentes de leite infantís como de adultos. O único requisito necesario é coñecer a data en que a peza se desprendeu.
Durante este sábado 30 van recollerse pezas entre as 11.00 e as 13.00 horas, no Espazo infantil: Ciencia á Feira. O stand atópase situado nas proximidades á zona de cafetería, no Espazo Gastro do Recinto Feiral. Durante a tarde tamén se recollerán pezas a través dun carro do CSIC que circulará pola Feira. As persoas que colaboren recibirán no stand do CSIC un diploma de axudante do Rato Pérez e un obsequio.
Neste posto desenvólvese tamén un obradoiro de hixiene bucal e pódese ver unha exposición de 'Dentes e mandíbulas mariñas', que realizan de maneira conxunta a Unidade de Cultura Científica do CSIC en Galicia e o Instituto de Investigacións Mariñas (IIM).
O Instituto de Investigacións Agrobiolóxicas, pola súa banda, desenvolve outra actividade dentro do Culturgal, que leva por título 'Un bosque viaxeiro', a través da que se explica como se reproducen as árbores tanto en bosques como en laboratorio. A actividade conta cun obradoiro e unha exposición de sementes, follas e minibosques de árbores autóctonas de cultivo in vitro.
Relacionadas:
-
Culturgal xa pensa en 2020: a festa da cultura volverá a Pontevedra do 27 ao 29 de novembro
Por Diego Torrado & Redacción |
-
O espírito do Nadal vívese no Gaiás e chega en forma de árbore xigante, maxia e urbe de conto
Por Redacción & Diego Torrado |
-
Sábado de público multitudinario e actividade frenética en Culturgal
Por Diego Torrado & Redacción |
-
O 'Tristrás' máis especial de Marful e Sabela, no escenario de Culturgal
Por Diego Torrado & Redacción |
-
A presenza de Galicia no mundo, da prehistoria á actualidade, sen saír da Cidade da Cultura
Por Redacción & Diego Torrado |
-
O Culturgal abre as súas portas no Pazo da Cultura coa intención de superar os 15.000 visitantes
Por Cristina Saiz & Anxo Lourido |
-
'Eroski Paraíso', prato forte da proposta audiovisual do Culturgal nun día cargado de cinema
Por Enrique Morales |
-
Os videoxogos pisarán con paso firme no Culturgal
Por Redacción |