![](/web/cache/scene/uploads/fotos/foto/b9b/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5e5e9c43d5-fachada-concello-8m.jpeg)
© Concello de Poio
Proxección de curtametraxes para abrir a programación do 8M en Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Casal de Ferreirós acollerá este mércores 3 de marzo ás 20:00 horas o inicio da programación do 8 de marzo en Poio cunha proxección de curtametraxes como actividade principal.
'A ninguna parte', 'Escarnio e maldicir', 'El jefe' e 'Matria' serán as obras exhibidas por tratar temáticas vencelladas ao 8M coma son os roles femininos positivos, o empoderamento ou os valores que inciden na igualdade afectiva entre xéneros.
A entrada ás proxeccións será gratuíta e contará cun faladoiro posterior sobre os contidos tratados nas curtas. Ademáis, as pezas audiovisuais poranse a disposición da dirección do IES Poio para elaborar unidades didácticas sobre o 8M.
A programación continuará o venres ás 20:00 horas cunha homenaxe a cinco veciñas do municipio como recoñecemento á súa traxectoria vital e social. Ao longo do mes de marzo, os cinco CEIPS de Poio acollerán sesións de contacontos ilustrados que darán a coñecer a vida das homenaxeadas.
Durante o acto tamén se procederá a presentar, cunha tirada de 1.000 exemplares, a segunda edición do libro "Mulleres en Poio", creado polo colectivo Polo Correo do Vento e con ilustracións de Tania Solla.
Ademáis, tamén con motivo da celebración do Día Internacional da Muller, a fachada do Consistorio permanecerá iluminado desde ese martes 8 de marzo con luces de cor morada.
Relacionadas:
-
Poio homenaxea con motivo do 8M a cinco mulleres que "axudaron a construír a vila que somos hoxe"
Por Redacción |
-
RADIO.- Conversas na Ferrería: "Se non conto, non te voto" di o Núcleo Feminista de Galicia
Por Marisa Ciordia |
-
Escolares de Poio coñecerán as experiencias vitais das cinco veciñas homenaxeadas o 8M como exemplo a seguir
Por Redacción |