As mulleres coidadoras, protagonistas do acto institucional polo 8M en Marín
Por Redacción
O Salón de Plenos do Concello de Marín acolleu este domingo o acto institucional do municipio con motivo do 8 de marzo, Día Internacional da Muller.
A choiva obrigou a celebrar o evento baixo teito, pero non restou un chisco de sensibilidade e reivindicación a unha xornada de homenaxe ás mulleres coidadoras.
Rosa Prado, representante da asociación Pousos da Area, foi a encargada de ler a declaración institucional de Marín, incidindo na necesidade de que os coidados se corresponsabilicen entre homes e mulleres para que o peso dos mesmo non recaia como ata o de agora na parte feminina da parella ou a familia.
A feminización dos coidados fíxose aínda máis real grazas ao testemuño de catro mulleres marinenses que son ou foron coidadoras, e que achegaron a súa experiencia para concienciar sobre a importancia deste labor.
Estas veciñas da vila foron Rosa e de Lourdes Broullón, Carmen Pérez Iglesias e Carmen Pazos Guimeráns. Todas elas relataron non só o freo no desenvolvemento da vida propia que supón ter a alguén ao teu cargo, senón tamén a cara psicolóxica que conleva.
Relacionadas:
-
Máis de 700 persoas e 70 voluntarios participarán na Ruta Montes e Praias
Por Redacción |
-
O BNG de Marín non acudirá aos actos do 8M e acusa o Concello de "hipocresia" e "indiferenza"
Por Redacción |
-
Unha viñeta de Luis Davila pide "coidadiño" no 8M de Marín para fomentar a corresponsabilidade
Por Redacción |