A romaría de San Benito de inverno e as festas de Campolongo tamén se suspenden
Por Redacción
Continúan as cancelacións de eventos previstos para as próximas semanas. Nas últimas horas, o párroco Crisanto Rial anunciaba aos fregueses a suspensión da romaría de San Benito de Lérez de inverno prevista para o sábado 21 de marzo.
Durante unha cerimonia relixiosa, segundo informan residentes na parroquia de Lérez, o crego indicaba que con motivo da expansión do COVID-19 víase obrigado a pospoñer esta celebración dunha romaría que, aínda que conta con menor afluencia que o evento de verán, congrega a numerosos fieis procedentes tanto da parroquia como doutros puntos da provincia.
O arcebispo de Santiago de Compostela emitiu tamén un comunicado pedindo que nas eucaristías desta fin de semana en todas as parroquias, os sacerdotes pidan polas vítimas do coronavirus, polo fin da pandemia e por todo o persoal sanitario.
FESTAS DE CAMPOLONGO
Tamén, a última hora do xoves 12, os organizadores das Festas de Campolongo anunciaban a suspensión deste evento que estaba previsto entre o 19 e o 22 de marzo.
Desde a organización sinalan que tentarán buscar outra data en colaboración co Concello de Pontevedra cando a situación de pandemia do coronavirus remita.
Relacionadas:
-
Un San Benito de Inverno sen romaría, procesión ou postos de venda
Por Redacción |
-
A Pontevedrada, aprazada sen data por precaución ante o coronavirus
Por Redacción |
-
Papás, un agasallo comunitario espéravos: ás oito o aplauso tamén é para vós
Por Marisa Ciordia |
-
A igrexa evanxélica de Monte Porreiro suspende actos polo COVID-19: "Oxalá non haxa histeria nin máis desastre"
Por Redacción |
-
A cultura, 'desenchufada' por precaución ante o avance do coronavirus
Por Alejandro Espiño |
-
Sanidade confirma catro positivos por coronavirus en Pontevedra, dous hospitalizados e dous illados na casa
Por Natalia Puga & Alejandro Espiño |
-
Representantes sindicais no Provincial e Montecelo piden á xerencia máis persoal para enfrontarse ao COVID-19
Por Redacción |
-
Consenso na noite de Pontevedra, que pecha para conter o avance do coronavirus
Por Manu Otero & Diego Torrado |
-
Consenso na noite de Pontevedra, que pecha para conter o avance do coronavirus
Por Manu Otero & Diego Torrado |