O persoal da loita contra os incendios únese á batalla contra o coronavirus
Por Redacción
A Deputación de Pontevedra segue acumulando esforzos na loita contra a pandemia do Covid-19 coa incorporación do persoal do servizo contra incendios e salvamento ás tarefas de desinfección dos concellos de máis de 5.000 habitantes da provincia.
A través do Consorcio Provincial, servizo adscrito á Deputación, constituíron unha nova unidade de desinfección formada por persoal e vehículos dos parques que se despregarán esta semana polos exteriores dos Puntos de Atención Continuada (PAC) e centros de saúde dun total de 17 municipios.
O programa púxose en marcha este luns coa desinfección dos centros de Bueu, Caldas, Cambados, Cerdedo- Cptpbade, O Grove, Marín, Poio, Ponte Caldelas, Sanxenxo, Vilaboa, Vilagarcía ou Vilanova de Arousa. Ademais desta actuación, os operarios da Deputación ocúpanse de desinfectar periodicamente as instalacións do Centro Príncipe Felipe, os accesos ao Pazo Provincial e o Edificio Administrativo.
Pola súa banda, o persoal da Estación Fitopatolóxica do Areeiro elaborou unha guia con recomendacións aos concellos para combater a pandemia desde o ámbito da limpeza e desinfección. O documento desaconsella os varridos en seco, o soprado e dá o seu visto e prace ao uso de amoníaco e deterxentes para os baldeos así como o uso de lixivia liluida para realizar este tipo de intervencións.
Relacionadas:
-
Cores Tourís lamenta a falta de lealdade institucional da Deputación ao ameazar con deixar de desinfectar lugares públicos
Por Redacción |
-
Resposta da Deputación ás demandas do PP: non pode facer máis desinfeccións porque a Xunta non as autoriza
Por Redacción |
-
O Grove lanza unha oferta de emprego para contratar dezanove traballadores
Por Redacción |
-
O PP pide que as tarefas de desinfección da Deputación continúen tras o estado de alarma
Por Redacción |
-
Permitido o desprazamento a hortas de autoconsumo no concello de residencia
Por Oskar Viéitez |
-
Os especialistas en riscos biolóxicos da Brilat superan as oitenta intervencións en menos dun mes
Por Redacción |
-
O persoal de loita contra os incendios desinfecta 160 centros de saúde e residencias en tres semanas
Por Redacción |
-
A residencia do CGTD, de aloxar bombeiros nos incendios de 2006 a reforzo na loita contra o coronavirus
Por Diego Espiño |