Un vehículo tira un poste telefónico en Vilanova de Arousa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Durante apróximadamente media hora rexistráronse importantes retencións de tráfico na parroquia de Caleiro en Vilanova de Arousa debido ao accidente que protagonizou un condutor que circulaba pola PO-306 nas proximidades de Conservas Roma.
O vehículo, por causas aínda por determinar, saíuse da vía e impactou contra un poste de telefonía. O choque provocou a caída do poste e dos cables da rede telefónica.
Un particular alertou ao 112 e ata a zona acudiron axentes da Garda Civil de Tráfico e membros de Protección Civil de Vilanova de Arousa. O condutor non sufriu lesións de consideración. Foi necesaria a reparación do poste e de parte do cableado xa que o accidente provocou problemas de comunicación telefónica na zona.