Marín recupera a súa feira con postos máis curtos para garantizar a distancia de seguridade
Por Redacción
Concello de Marín e vendedores ambulantes mantiveron este venres unha reunión co obxectivo de deseñar a reapertura do tradicional mercadillo dos xoves cumprindo estritamente todas as medidas de hixiene e prevención do estado de alarma.
A feira regresará á vila marinense o vindeiro xoves e farao con todos os postos. Con todo, para poder garantir a seguridade, os vendedores terán uqe recortar a lonxitude dos seus postos para respectar a distancia mínima e permitir o tránsito de persoas.
O uso de máscaras por parte de vendedores, que terán que usar tamén luvas, e clientes será obrigatorio e cada posto deberá ter a dispoisicón de todas as persoas xel hidroalcohólico para a limpeza de mans.
Así mesmo, a Policía Local controlará a montaxe dos postos e a afluencia de persoas ao recinto da feira.