Pechan as ruínas de San Domingos nas festas da Peregrina para ser revisadas tras caer un capitel
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
As ruínas de San Domingos serán pechadas este sábado 10 de agosto ata novo aviso para que se acometan traballos de revisión. O peche débese a que queren verificar o estado actual e determinar se precisan algún tipo de intervención para mellorar a súa conservación, segundo explican dende o departamento de comunicación da Deputación de Pontevedra.
As ruínas de San Domingos é un dos edificios máis visitado do Museo de Pontevedra. Numerosas excursións ao longo do ano aproveitan a súa visita á cidade para achegarse a coñecer o edificio máis antigo dos inmobles do Museo.
Segundo confirmou o presidente da Deputación, Rafael Louzán, hai unha semana desprendeuse un capitel da antiga igrexa da que se conserva unicamente a cabeceira, de cinco ábsidas, excepcional no gótico galego, e parte do muro Sur.
A última revisión deste monumento remóntase ao ano 2003 pero naquela ocasión non se chegaron a cubrir as xuntas entre as distintas partes da edificación que se conservan e por eses espazos fíltrase a auga da chuvia e pode verse o musgo que foi formándose. A estas circunstancias, habería que sumar as actividades que se desenvolvan na praza de España que poidan provocar vibracións nas ruínas. A falta do informe oficial, os visitantes agardan que se acometa unha reparación integral da obra que evite novos desprendementos.
Relacionadas:
-
O Boletín Oficial da Provincia anuncia a licitación das obras das ruínas de San Domingos
Por Redacción |
-
Ultiman o estudo que determinará as actuacións para conservar as Ruinas de San Domingos
Por Alejandro Espiño |
-
Ferida unha muller ao caerlle un cristal dun edificio mentres paseaba pola rúa Oliva
Por Redacción |