Posta a punto da estrada das praias de Marín, con nova rodadura e sen maleza
Por Redacción
A empresa Construcciones, Obras y Viales S.A. (COVSA) iniciou este luns os traballos de renovación da pavimentación da estrada Marín-Aguete, a coñecida como estrada de praias de Marín, que empeza desta maneira un proceso de posta a punto que incluirá outro tipo de actuacións.
O intenso uso que soporta este viario, especialmente nas épocas estivais, afectou ás características do pavimento, polo que se produciron diversas deficiencias co paso do tempo, que precisan dunha posta a punto.
Covsa resultou adxudicataria do proxecto, que suporá renovar 8.318,70 metros cadrados de rodadura e volver implantar a sinalización adecuada, tanto horizontal coma vertical, para o tránsito rodado e tamén para o estacionamento.
Ademais, realizaranse traballos de desbroce e limpeza das marxes da vía, retirando maleza, escombro ou calquera tipo de material indesexable que estea a ocupar estes espazos.
O orzamento total investido nesta actuación será de 91.853,29 euros (IVE incluído), que se subvencionará con cargo ao Plan Concellos da Deputación de Pontevedra.
O prazo de execución será dun mes, aproximadamente.
RAMPLA DE BRIZ MELLORADA
Por outra banda, o Concello deu a coñecer este luns que xa está renovada a rampla de acceso ao auditorio da finca de Briz, mellorando o espazo e a pendente para que poidan baixar e subir de xeito seguro os vehículos asociados á organización de eventos e tamén das propias persoas.
Relacionadas:
-
Marín acondiciona o roteiro do Lago de Castiñeiras para recibir visitantes
Por Redacción |
-
En marcha o volteo da area das praias de Marín
Por Redacción |
-
Os asadores do Lago de Castiñeiras volverán estar operativos a partir do 6 de xuño
Por Redacción |
-
O centro terapéutico de alzheimer de Briz abre con todas as prazas xa completas
Por Redacción |
-
O 18 de novembro abrirá o centro terapéutico de Briz para persoas con alzheimer
Por Redacción |
-
O Concello de Marín realiza tarefas de mantemento na Finca de Briz
Por Redacción |