Vitoria do PP na cidade de Pontevedra cun BNG que case duplica os seus votos
Por Alejandro Espiño
O Partido Popular logrou manter a súa hexemonía na cidade de Pontevedra nas eleccións galegas celebradas este domingo. Igual que hai catro anos os populares a forza máis votada na Boa Vila, aínda que se deixan polo camiño preto de mil votos.
Así, o PP obtivo 16.918 votos fronte os 17.839 que logrou en 2016. Iso si, ante a maior abstención, que no caso de Pontevedra creceu uns seis puntos, a súa porcentaxe de voto é maior, chegando ata o 43,43%. En 2016 quedaron no 42,05%.
Seguindo a tendencia que tivo en toda Galicia, o BNG dispárase tamén en Pontevedra. Os nacionalistas sumaron 10.708 apoios por parte dos pontevedreses, situándose nun 27,49%. Hai catro anos lograran 6.332 votos e un 14,93%.
Os socialistas tamén crecen na cidade, aínda que máis timidamente. Pasan a un 19,19% de votos fronte ao 16,88% de 2016, o que se traduciu en 7.478 votos, 318 máis que nos últimos comicios autonómicos.
O resto de partidos non logran despuntar na Pontevedra nin atraer os votos que se deixa a esquerda rupturista polo camiño.
Galicia en Común, a coalición entre Podemos, Esquerda Unida e Anova, obtivo un respaldo do 3,61%, é dicir 1.405 votos; mentres que Vox debutou nunhas eleccións autonómicas atraendo a 932 pontevedreses, un 2,39% do total de votantes.
Apenas 493 persoas apoiaron a proposta de Ciudadanos, que se deixa 1.281 votos con respecto a 2016 e queda cunha porcentaxe do 1,27%. PACMA, que tamén perde votantes, obtén 204 sufraxios (0,52%) e a Marea Galeguista só seduciu a 121 persoas, un 0,31%.
Relacionadas:
-
Rueda critica a "indiferenza de PSOE e BNG" ante as dificultades do voto exterior
Por Redacción |
-
Bará ve no resultado do BNG a constatación dun "cambio de ciclo político" e en Ana Pontón "a líder do futuro deste país"
Por Natalia Puga |
-
O PP gaña en 57 concellos, o BNG no Grove e Soutomaior e o PSOE na Illa e Fornelos
Por Alejandro Espiño |
-
Un deputado en Pontevedra, en liza entre PP e PSOE polo voto emigrante
Por Alejandro Espiño |
-
Rueda celebra a cuarta maioría do PP "cuando todo el mundo pensaba que era imposible"
Por Oskar Viéitez & Cristina Saiz |
-
O PSOE pontevedrés recoñece que "non cubrimos as expectativas" e chama a una reflexión "con calma"
Por Natalia Puga & Cristina Saiz |
-
Luís Bará e Fernández Lores celebran coa militancia "o mellor resultado da historia do BNG"
Por Anxo Lourido & Cristina Saiz |