Amplían os roteiros de pádel surf polo Lérez tras esgotar as prazas en tres horas
Por Redacción
O Concello de Pontevedra decidiu ampliar os roteiros de pádel surf polo río Lérez ante a abafadora demanda recibida. En tres horas esgotáronse as prazas ofertadas para a primeira destes roteiros turísticos, que tivo lugar o pasado sábado 25 e que organiza a Concellería de Turismo.
Desta forma, e desde este mesmo luns 27, reabren os prazos de inscrición para as dúas xornadas nas que se volverán a realizar estes particulares paseos polo río Lérez: os sábados 1 e 22 de agosto. As solicitudes formalízanse a través da web www.visitpontevedra.es
Os roteiros están organizados en grupos reducidos de oito persoas, que van acompañadas de monitores. Ofrécense en total oito roteiros por día, entre horario nocturno e diúrno. A concelleira Yoya Blanco sinala que "este é o claro exemplo de que o turismo de proximidade, e mesmo da propia cidade, mostra un enorme interese por coñecer a cidade a través do Lérez".
Avanza que se trata da primeira de numerosas iniciativas prevista en torno ao río: "Pontevedra despois de moitos anos de vivir de costas ao Lérez, mira e goza os seus ríos".