Juan Carlos I visitou esta fin de semana Sanxenxo antes de abandonar España
Por Oskar Viéitez
O rei emérito Juan Carlos I viaxou a pasada fin de semana a Sanxenxo para despedirse dos seus amigos. Desde as Rías Baixas desprazouse ata a localidade portuguesa de Porto desde onde tomou un avión que o trasladou á República Dominicana, segundo informa o xornal ABC.
Este luns coñeceuse que o rei emérito comunicou ao seu fillo, Felipe VI, a súa "meditada decisión" de trasladarse ao estranxeiro "diante da repercusión pública que están a xerar certos acontecementos pasados" da súa "vida privada", en referencia ás informacións publicadas sobre as súas contas en paraísos fiscais.
Tanto a Fiscalía do Tribunal Supremo como a de Suíza están a investigar este caso de corrupción.
Juan Carlos I tamén xustifica a súa saída de España apuntando que tamén é unha medida "para contribuír" a que o xefe do Estado poida desenvolver a súa función "desde a tranquilidade e o acougo" que o cargo require, segundo a carta difundida este luns pola Casa do Rey.
O comunicado difundiuse despois de que Juan Carlos, de 82 anos de idade, xa saíra do palacio da Zarzuela e non aclara o seu destino.
O avogado do rei emérito, Javier Sánchez-Junco, fixo pública unha segunda nota na que asegura que o seu cliente "permanece a disposición en todo momento do Ministerio Fiscal para calquera trámite ou actuación que se considere oportuna".
Relacionadas:
-
Volverá o rei emérito a Sanxenxo?
Por Redacción |
-
Pontevedra retira honras ao rei emérito e cambia o nome da Avenida Juan Carlos I
Por Alejandro Espiño |
-
Apoio do Náutico de Sanxenxo ao Rei Emérito: "As portas do noso club sempre estarán abertas para recibilo"
Por Redacción |
-
A Transición vai analizarse desde unha visión crítica nunhas xornadas sobre Memoria histórica promovidas pola Deputación
Por Anxo Lourido |
-
Telmo Martín sae en defensa de Juan Carlos I cargando contra "el simplismo y el populismo que nos gobierna"
Por Oskar Viéitez |