As picaduras de fanecas e avespas copan o traballo dos socorristas das praias de Marín
Por Oskar Viéitez
Unha vez superado o mes de xullo, os socorristas que velan pola seguridade dos usuarios das praias de Marín, realizaron un total de 505 atencións. Destas 85 ocorreron na praia de Portocelo, 153 en Mogor, 103 en Aguete 1, 101 en Aguete 2, 84 na praia de Loira e por último 65 na praia do Santo.
A maioría destas actuacións foron de carácter menor, destacando o habitual de todos os veráns, que son: as picaduras de fanecas, que houbo 171, 68 picaduras de avespas 173 feridas e 30 avisos a cans.
O resto de atencións menores resultaron de pouca incidencia deixando: 9 avisos a embarcacións, 14 avisos a pescadores e 2 escordaduras.
En canto ás actuacións de incidencia maior destacan: dúas lipotimias, unha en Portocelo e outra en Aguete, un traumatismo dental dun rapaz de tres anos en Mogor, un ataque de ansiedade en Aguete 1, con aviso aos servizos sanitarios e un atragoamento, con chamada á ambulancia, nun usuario con parálise cerebral.
Desde el concello de Marín destacan o bo comportamento dos usuarios das praias seguindo en todo momento as medidas de seguridade e hixiene necesarias debido á crise da Covid19.
Relacionadas:
-
Os socorristas de Marín atenderon máis de 1440 incidencias nas praias durante o verán
Por Redacción |
-
Os socorristas das praias de Marín atenderon 481 incidencias durante o mes de agosto
Por Redacción |
-
Os socorristas de Sanxenxo realizaron catorce rescates durante o mes de xullo
Por Redacción |
-
VIDEO.- Xa están aquí as pequenas quenllas azuis
Por Oskar Viéitez |
-
Marín leva destinados 300.000 euros en seguridade e hixiene para as súas praias
Por Redacción |
-
Na praia, non sen a túa máscara
Por Redacción & Cristina Saiz |
-
Portocelo, Mogor e parte de Aguete estrean xullo con socorristas
Por Redacción |