Actividades deportivas e de lecer ao aire libre en Cerdedo-Cotobade para facilitar a conciliación
Por Redacción
Axudar na conciliación da vida familiar e laboral é a pretensión do programa que ofrece o Concello de Cerdedo-Cotobade ata o 21 de agosto e que consiste en actividades deportivas e de lecer ao aire libre a menores de idade, entre os cinco e os trece anos. Dados os requisitos que a situación sanitaria esixe, ofrécese un formato reducido e adaptado con limitación de prazas, deseñando propostas compatibles e coas oportunas precaucións.
Os menores beneficiarios do programa deben estar empadroados no municipio e deben pertencer a familias monoparentais ou de haber dous proxenitores que ambos traballen e non dispoñan de ningunha outra alternativa para o coidado dos menores.
O programa ofrécese en quenda de mañá, nas inmediacións do pavillón municipal, con xogos e prácticas deportivas ao aire libre, sempre que as condicións meteorolóxicas permíteno.
O alcalde Jorge Cubela facía referencia a estas familias que requiren de propostas de conciliación como esta porque "se fai cun escrupuloso cumprimento da normativa sanitaria para que os nosos nenos estean seguros e ben atendidos".
Relacionadas:
-
Cerdedo-Cotobade convoca un programa de fomento da lectura destinado ao público infantil
Por Redacción |
-
Cerdedo-Cotobade pon fin ao programa especial de conciliación e comeza a preparar o inicio do curso lectivo
Por Redacción |
-
Cerdedo-Cotobade investirá 486.000 euros na creación do Centro Cultural e Turístico Antonio Fraguas en Carballedo
Por Redacción |
-
A Banda de Tenorio dará un concerto na Carballeira do San Xusto
Por Redacción |
-
Parada de Tenorio, primeiro lugar do municipio con fibra óptica
Por Redacción |
-
Cerdedo-Cotobade habilita unha liña de axuda de 26.000 euros para actividades educativas e deportivas
Por Redacción |