Combarro e Pontevedra acollen a campaña itinerante da Xunta para fomentar o turismo seguro
Por Redacción
A Praza da Chousa, en Combarro (Poio) acolle este domingo a campaña itinerante de concienciación cidadá para promover un turismo seguro, que emprende a Xunta de Galicia. Esta caravana desprazarase o martes e o mércores á Alameda de Pontevedra.
No interior deste espazo ofrécese información tanto a turistas como á poboación de lugar sobre os posibles destinos dentro de Galicia para descansar durante uns días con todas as garantías de seguridade.
Esta unidade móbil funciona a modo de oficina de turismo e profesionais de información turística explican os recursos cos que conta a comunidade como o Camiño de Santiago, paisaxes, posibilidades enogastronómicas ou valores do patrimonio cultural.
Esta iniciativa percorrerá nas próximas xornadas outros municipios da provincia de Pontevedra como, entre outros, Sanxenxo, O Grove, Cambados ou Vilagarcía de Arousa. A campaña encádrase dentro do Plan de Reactivación do sector turístico aprobado no mes de abril coa intención de provomer Galicia como un espazo seguro, fomentando o consumo e xerando actividade que axude ao tecido empresarial.
Relacionadas:
-
Poio pechou agosto mantendo unha ocupación turística do 70%
Por Redacción |
-
O sector turístico celebra o "músculo" de Sanxenxo, que pecha agosto cun 65,5% de ocupación
Por Redacción |
-
A ocupación hoteleira en Poio sitúase no 70% durante a primeira quincena de agosto
Por Redacción |
-
A oficina de Turismo de Sanxenxo recibe decenas de consultas diarias sobre a seguridade sanitaria deste destino
Por Redacción |
-
O conselleiro de Turismo asegura que "en Galicia estamos a resistir dun modo relativamente positivo"
Por Oskar Viéitez |
-
Galicia e o Camiño de Santiago posiciónanse como destinos seguros
Por Redacción |