Sanxenxo recomenda non bañarse en Baltar, Caneliñas, Panadeira e Nanín por contaminación nas súas augas
Por Redacción
Unha analítica rutineira realizada por Sanidade nas augas das praias de Sanxenxo revelaron a presenza de contaminación microbiolóxica nos areais de Baltar, Caneliñas, Panadeira e Nanín. Seguindo as recomendacións sanitarias, o Concello recomenda non bañarse nestas praias ata que as análises, que volverán repetirse en dous días, arroxen resultados satisfactorios.
Nos accesos a estes areais, os usuarios poden atoparse con sinais e carteis informando desta situación que desde o Concello achacan ao arrastre de partículas polas choivas dos últimos días.
Descartan que se trate dunha vertedura puntual porque de ser así atoparíase nunha soa praia e non en catro praias relativamente distanciadas.
Esta situación non afecta só a Sanxenxo. No que vai de mes de agosto, as análises de sanidade detectaron presenza excesiva de bacterias intestinais en 21 praias da comunidade, entre as que se atopan tamén dous areais de Vilanova de Arousa e Vilagarcía, que xa foron solucionados.
Relacionadas:
-
Mellora a calidade da auga en Baltar, que volve ser apta para o baño, pero non nas outras tres praias afectadas
Por Redacción |
-
ADEAC felicita a Sanxenxo pola limpeza dos areais con bandeira azul
Por Redacción |
-
As augas da praia do Preguntoiro de Vilagarcía volven ser aptas para o baño
Por Redacción |
-
Marín aproveita o mal tempo para facer labores de roza e mantemento do acceso ás praias
Por Redacción | Creada e actualizada
-
Sanidade non recomenda o baño na praia do Preguntoiro pola presenza excesiva de bacterias E-coli
Por Redacción |