A conselleira de Medio Ambiente pide un esforzo aos concellos para mellorar aínda máis a calidade do aire
Por Redacción
A conselleira de Medio Ambiente,Territorio e Vivenda, Ángeles Vázquez, visitou este venres a estación de control do aire de Campolongo onde aclarou que as principais fontes de contaminación do aire son o tráfico de vehículos e as calefaccións.
Co obxectivo de seguir mellorando na reducción das emisións de dióxido de carbono á atmosfera, a conselleira animou aos concellos a colaborar para implantar iniciativas que camiñen nese sentido. A modo de exemplo, Vázquez lembrou que o goberno galego impulsou o chamado transporte a demanda, para avanzar nunha mobilidade máis eficiente nas cidades, reducir os tráficos e a aposta polo fomento do transporte público ou de transportes alternativos, como a bicicleta.
Aclarou a mandataria popular que a calidade do aire en Galicia é boa pero que sempre hai marxe de mellora como quedou demostrado durante os meses de confinamento. Nesa época, na cidade de Pontevedra rexistrouse unha diminución do 51 % de dióxido de nitróxeno e do 42 % de partículas PM10 no período de vixencia do estado de alarma, mentres que en setembro os niveis volveron rexistrar valores similares a antes da pandemia, aínda que en ningún caso superáronse os parámetros límite.