A Rúa da Torre terá plataforma única e nova iluminación
Por Alejandro Espiño
Case 92.000 euros investirá o Concello de Pontevedra na rehabilitación integral do firme da Rúa da Torre, situada no barrio do Burgo.
As obras, que teñen un prazo de execución dun mes, consistirán en dotar a esta rúa de plataforma única, xa que así o aconsellan as súas estreitas dimensións.
O proxecto municipal, que se integra dentro do plan de actuacións para o barrio do Burgo, incluirá ademais medidas de acougado de tráfico e a renovación de toda a iluminación pública.
O deseño elixido, segundo explicou a portavoz do goberno municipal, Anabel Gulías, será similar ao que están a adoptar as zonas rurais, ao entender que é a que mellor se adapta á configuración da rúa.
O Concello espera poder adxudicar esta reforma canto antes, aínda que o atasco administrativo que hai no departamento de contratación pode atrasar un pouco o inicio destes traballos que, en todo caso, estarán listos no primeiro trimestre de 2021.
Relacionadas:
-
A Rúa da Torre estrea a súa rehabilitación integral
Por Redacción |
-
A reforma da Rúa da Torre xa está en marcha
Por Redacción |
-
O formigonado do cruzamento de Antón Fraguas, Loureiro Crespo e Gonzalo Gallas cortará o trafico unha semana
Por Alejandro Espiño |
-
A reforma da segunda planta de Michelena 30, nas mans de empresas de Pontevedra
Por Alejandro Espiño |
-
Pasarón presenta de xeito oficial á súa gardiá, a señora Lola
Por Redacción |
-
As reformas da Santiña e da Rúa da Torre, próximas actuacións no Burgo
Por Alejandro Espiño |
-
Os coches poderán subir desde a ponte do Burgo ata Pasarón a partir da próxima semana
Por Redacción & Mónica Patxot |