O Pazo da Cultura dille a este ano: "Vaite 2020!"
![Mónica](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/50b75e9aee4e2-patxotparalaweb.jpg)
Por Mónica Patxot
![](/web/cache/scene/uploads/fotos/foto/12d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5fd3c58dbe-20201211-patxot-pazo-cultura-navidad-646.jpg)
© Mónica Patxot
![](/web/cache/scene/uploads/fotos/foto/8be/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5fd3c654af-20201211-patxot-pazo-cultura-navidad-648.jpg)
© Mónica Patxot
![](/web/cache/scene/uploads/fotos/foto/262/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5fd3c5a4c6-20201211-patxot-pazo-cultura-navidad-649.jpg)
© Mónica Patxot
A Concellaría de Cultura que dirixe Carme Fouces desvelou o que lle desexa ao ano 2020: "Vaite!" logo de traer meses de tristura, inquedanza e incerteza.
Así o transmite na imaxe que proxecta na fachada do edificio principal do Pazo da Cultura, cara o río Lérez e que se poderá ver dende a noite deste venres até o vindeiro 31 de decembro, cando a concellaría trasladará, cunha proxección similar, as expectativas de cara ao ano 2021.
Este "Vaite e non volvas" súmase ao "Mala chispa te coma" que lle di ao 2020 o photocall que instalou o Concello na praza de España, na zona verde próxima ao monolito do km 0.
Esta outra iniciativa parte da Concellería de Desenvolvemento Sostible e Medio Natural que dirixe Iván Puentes e así "resume dun xeito moi noso ese desexo que temos todos de que este pesadelo da covid-19 remate canto antes e poidamos ir recuperando a normalidade coa chegada de 2021".