Hep Monatzeder, alcalde de Munic "Pontevedra é una inspiración"
Por Redacción
O feito de que o alcalde de Múnic na inauguración do Walk21 puxera como exemplo a Pontevedra ao falar das boas prácticas en materia de mobilidade peonil, encheu de orgullo ao seu homólogo, Miguel Anxo Fernández Lores, que asiste como ponente convidado a este encontro no que se dan cita máis de 700 especialistas de todo o mundo relacionados coa mobilidade.
No seu discurso inaugural, Hep Monatzeder fixo unha referencia expresa a Pontevedra falando de que trouxeron a Múnic este evento porque están convencidos de que camiñar é un medio de transporte de futuro nas cidades, e queren buscar inspiración para as súas propias solucións, como acontece en Pontevedra co Metrominuto e as innovadoras ideas para utilizar os espazos públicos de xeito máis eficiente.
Pontevedra, con dúas intervencións é a única cidade española representada entre as 18 persoas que tomarán parte nos plenarios deste congreso internacional.
Lores compartirá sesión cos representantes de Múnic, Sydney e Shkodra na sesión de clausura moderada polo presidente e fundador de Walk21, Jim Walker. O resto destas cidades que expoñerán en pleno algún aspecto do seu modelo son Basilea, Berlín, Viena e Zúric, ademáis de membros de institutos públicos ou privados ou estudosos relacionados coa mobilidade.
O enxeñeiro municipal, Gómez Viñas, falará de Pontevedra como a cidade que se transformou pensando nos peóns na sala principal do Congreso.
A presenza española é leve, xa que só aparece no programa unha intervención de Ole Thorson referida aos sistemas auditivos para pasos de peóns en Barcelona e a intervención de Juan Carlos Escudero que fala do calmado do tráfico en 47 rúas urbanas. Portugal tamén está representado por Mario Alves, que falará o venres da relación entre o camiñar e a saúde e a economía local.
En total hai programadas 114 intervencións con casos de todo o mundo, agrupadas en 38 mesas temáticas, ademáis das tres sesións principais; nunha delas participa Fernández Lores.
Relacionadas:
-
Pontevedra acollerá en 2014 o II Congreso "Ciudades que caminan"
Por Redacción |
-
Fernández Lores: "Moitas das cousas que Europa reivindica, nos xa as temos feitas"
Por Oskar Viéitez |
-
Lores di en Múnic: "Democracia, esa é a palabra clave do que perseguíamos coa peonalización da cidade"
Por Redacción |
-
O alcalde de Pontevedra súmase a unha marcha reivindicativa polas rúas de Múnic
Por Redacción |
-
Múnic coñecerá a "relaxing tapa de calamares in the Leña Square" a través do alcalde Lores
Por Redacción |
-
Pontevedra contrastará o seu modelo peonil co de Munich, Goteborg e Sidney
Por Alejandro Espiño |
-
Pontevedra 'presumirá' de modelo de cidade en Múnich
Por Alejandro Espiño |