Especial control policial este sábado nos centros comerciais para evitar aglomeracións
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Axentes da Policía Nacional realizaban durante este sábado controis da capacidade de persoas nos centros comerciais que, desde o 13 de xaneiro de 2020, están obrigados a que o número de persoas no interior non supere o 30% da súa capacidade total, nos Concellos con nivel máximo de alerta. A intención con estes operativos é evitar as grandes aglomeracións nestes puntos de venda.
Desta forma, os policías regulaban o acceso nas entradas aos establecementos e ademais solicitaban a documentación para comprobar que a clientela destas grandes áreas cumpría co peche perimetral e non acudira a estes centros saltándose os límites do seu municipio.
Estes espazos comerciais deben manter tamén clausuradas as zonas comúns e pechar as súas portas ao público ás 21.30 horas, co obxectivo de que se cumpra co toque de queda establecido ás 22.00 horas, tal e como recollía o Diario Oficial de Galicia publicado o 13 de xaneiro.
Relacionadas:
-
Multas en Poio por saltarse o peche perimetral para ir ao Centro Comercial A Barca
Por Oskar Viéitez |
-
Dúas de cada tres sancións en Pontevedra son por saltar o peche perimetral
Por Alejandro Espiño |
-
Deporte federado, ximnasios, hostalería... así quedan as restricións a partir deste xoves
Por Natalia Puga & Mónica Patxot |
-
Sanidade prohibe as reunións de non conviventes a partir das 18 horas e adianta o toque de queda ás dez
Por Natalia Puga |