Intenta agredir á nai da súa filla tras revisarlle o teléfono móbil
Por Redacción
Un home de 51 anos foi detido pola Policía Local de Pontevedra acusado de intentar agredir á nai da súa filla despois de quitarlle o seu teléfono móbil e revisar o seu contido.
O detido, segundo informa a Policía Local, está considerado como autor dun presunto delito de violencia machista e xa pasou a disposición xudicial.
Os feitos producíronse na tarde do pasado venres, contra as 17:50 horas, nun domicilio situado nunha céntrica rúa da cidade.
Os axentes acudiron á vivenda alertados polos veciños que escoitaron como unha muller saía pola fiestra pedindo axuda.
O relato da vítima, que ten 40 anos, está recollido no atestado policial. Nel, revela que convidou a xantar ao pai da súa filla con motivo do aniversario de el.
Logo da comida, cando a vítima se atopaba tocando o piano, o suposto agresor fíxose co teléfono móbil dela, que o tiña no peto traseiro do pantalón, e encerrouse no balcón do salón.
A muller tratou de recuperar o seu teléfono sen éxito, pero minutos despois el volveu a entrar no salón e tirou o móbil ao chan, o que provocou o temor da vítima que saíu correndo cara o cuarto de baño, onde se encerrou ata que chegou a policía.
O atestado policial recolle que o detido comezou a golpear con forza a porta ata o estremo de rompela na parte superior.
Relacionadas:
-
Vinte e tres vítimas da violencia machista están a ser protexidas en Pontevedra pola Policía Local
Por Alejandro Espiño |
-
A Policía Local renova a súa flota con dous novos vehículos
Por Redacción |
-
Axentes da Policía Local de Poio deteñen un home de 27 anos acusado de agredir a parella na rúa
Por Redacción |
-
Repulsa social ante a morte de Soledad Rey Valverde, vítima en Gondomar dun novo asasinato machista
Por Redacción |
-
Un mozo de 18 anos, detido por agredir á súa ex noiva cando esta se negou a volver con el
Por Redacción |
-
Detidos dous homes en Pontevedra por senllos episodios de violencia machista
Por Redacción |