58 profesionais do Servizo de Axuda no Fogar vacinanse coa AstraZeneca en Montecelo
Por Redacción
Este venres 12 de febreiro levouse a cabo a vacinación de 86 profesionais do Servizo de Axuda no Fogar (SAF) na área sanitaria de Pontevedra e O Salnés sen que se rexistrasen incidencias.
58 traballadores deste colectivo recibían a vacina de AstraZeneca no Hospital Montecelo mentres que outros 28, tamén menores de 55 anos, eran vacinados nas instalacións do Hospital do Salnés.
Trátase dun sector profesional que demandaba a vacina canto antes para asegurar a protección das persoas vulnerables ás que prestan atención nos seus domicilios.
Segundo as previsións realizadas pola xerencia da área sanitaria, todo o colectivo que traballa nesta área nas comarcas de Pontevedra e O Salnés xa se atoparía vacinado durante esta xornada.
As próximas doses contra a infección por SARS-CoV-2 están previstas para as xornadas do martes 16 e domingo 21. Nestas datas está previsto que Saúde Pública vacine a persoal non vinculado co SERGAS pero que traballa en centros sanitarios, con prioridade para aqueles profesionais que realizan os seus labores nos hospitais.
Relacionadas:
-
O PP de Ponte Caldelas critica a "angustiosa" lista de espera do Servizo de Axuda non Fogar
Por Redacción |
-
A inmunización completa con dúas doses da vacina chegou a 4.398 pontevedreses
Por Redacción |
-
Os maiores de 80 anos empezarán a recibir a vacina da covid-19 o 22 de febreiro
Por Natalia Puga |
-
Ata 31.000 galegos recibiron xa as dúas doses da vacina contra a covid-19
Por Redacción |
-
A evolución da pandemia permite á Xunta "ser lixeiramente optimistas, pero non triunfalistas"
Por Oskar Viéitez |
-
Galicia manterá "de momento" o calendario de vacinación e descartan problemas para poñer a segunda dose
Por Natalia Puga |