Poio e Sanxenxo felicítanse polo investimento de 19,3 millóns para o saneamento dos seus municipios
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/9f4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/608a86b139-firma-1.jpg)
© Videoconferencia
![](/web/cache/scene/uploads/fotos/foto/31e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/608aa8c252-firma-convenio-acuaes-2.jpg)
© Videoconferencia
![](/web/cache/scene/uploads/fotos/foto/457/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/608a9f3904-firma-convenio.jpg)
© Concello de Poio
O Ministerio para a Transición Ecolóxica e o Reto Demográfico subscribiu cos concellos de Poio e Sanxenxo o convenio para a execución e explotación de actuacións de saneamento e depuración en ambos os municipios cun investimento previsto de 19,3 millóns de euros.
O acordo foi asinado este xoves pola directora xeral da sociedade mercantil estatal Aguas de las Cuencas de España (Acuaes), María Rosa Cobo, e os alcaldes de Poio e Sanxenxo, Luciano Sobral e Telmo Martín, respectivamente, nun acto moi cordial e distendido celebrado de maneira telemática.
O secretario de Estado de Medio Ambiente, Hugo Morán, actuou de anfitrión neste acto que tamén contou coa participación da subdelegada do Goberno en Pontevedra, Maica Larriba.
Como "día histórico " chegou a cualificar Luciano Sobral esta firma dun convenio que permite avanzar no desenvolvemento dunhas infraestruturas moi demandadas pola urxente necesidade de eliminar as verteduras que existen actualmente e protexer esta zona da marxe dereita da ría de Pontevedra.
O conxunto de proxectos que comprende a actuación desenvolverase en dúas fases.
Inicialmente construirase a estación de bombeo e impulsión de Raxó e procederase á remodelación dos colectores que permitirán conectar a estación de bombeo coa nova depuradora de Paxariñas.
Tamén se executarán as obras dun novo emisario submarino en Montalvo que substituirá ao existente; dentro das remodelacións das estacións de bombeo, actuarase nas instalacións de Areas, Sanxenxo e Espiñeiro.
Na segunda fase procederase á remodelación do colector da Avenida de Madrid, en Sanxenxo, e á adecuación da estación de bombeo e impulsión de Laño, en Poio.
A actuación será cofinanciada nun 50% polo Fondo Europeo de Desenvolvemento Rexional FEDER 2014-2020, o 40% do importe do investimento será anticipado por Acuaes e o resto mediante unha operación financeira, podendo os concellos realizar achegas anticipadas durante a construción das obras.
O financiamento adiantado por Acuaes e a operación financeira deberá ser recuperada dos concellos mediante tarifas durante un período máximo de 25 anos a contar desde o inicio da explotación.
Relacionadas:
-
Sae a exposición pública o proxecto de ampliación da EDAR de Paxariñas
Por Redacción |
-
O Ministerio de Transición Ecolóxica proxecta un novo emisario submarino para a depuradora de Paxariñas
Por Oskar Viéitez |
-
A nova concesionaria do ciclo da auga de Sanxenxo terá que destinar 11,6 millóns de euros a modernizar a rede
Por Redacción |
-
Detectan unha empresa que verteu residuos de cemento na ría seguindo o rastro polas arquetas de Raxó
Por Redacción |
-
A mellora do saneamento na Seca e no porto de Campelo custará máis de tres millóns
Por Redacción |
-
Acuaes autoriza a firma do convenio valorado en 19,3 millóns para solucionar o saneamento de Poio e Sanxenxo
Por Redacción |
-
Os plenos de Sanxenxo e Poio aproban por ampla maioría o convenio do saneamento
Por Redacción |
-
A nova rede para mellorar o saneamento de Poio e Sanxenxo custará 16 millóns
Por Redacción |