BNG e PSOE apoian as demandas veciñais de defensa do centro de saúde de Seixo
Por Redacción
Representantes da Plataforma pola Defensa do Centro de Saúde de Seixo, que agrupa a 18 colectivos das parroquias de Santomé de Piñeiro, O Campo, Ardán e Seixo, no Concello de Marín, reuníronse con representantes dos grupos provinciais do BNG e PSdG-PSOE na Deputación, María Ortega e Carlos Font, para expoñer "a situación do centro de saúde e a atención sanitaria á veciñanza como consecuencia dos recortes en persoal da Xunta".
Dende a plataforma denuncian que o día despois de que Sanidade anunciase que non ía pechar o centro de saúde, "xa se constataron os recortes e que as palabras do conselleiro eran un anuncio para tentar enganar a opinión pública".
Así, engaden que o 15 de xullo pasaron de dous médicos e unha enfermeira a un só médico que se fai cargo dos dous cupos e dos turistas e dunha enfermeira cun contrato de acúmulo que asina mes a mes e non suxeita ao centro de saúde.
Unha situación que consideran que empeorará a partir do 15 de agosto, cando "haberá só catro horas de médico para un dos cupos, isto quere dicir que arredor de mil persoas non terán dereito a atención sanitaria no noso centro de Saúde, salvo caso de urxencia, e durante 3 horas non haberá ningún médico no centro".
Por parte dos grupos provinciais do PSdG-PSOE e o BNG na Deputación amosaron "total apoio" ás demandas veciñais de defensa do centro de saúde e a súa oposición aos recortes da Xunta na sanidade.
Relacionadas:
-
O PSOE leva ao Pleno a esixencia de cubrir as vacantes de médicos en Marín
Por Redacción |
-
"Non aos recortes no Centro de Saúde de Seixo", berro reivindicativo na concentración ante o Concello
Por Redacción |
-
O BNG de Marín pide ao Concello que boicotee a Abanca
Por Redacción |
-
A Plataforma pola Defensa do Centro de Saúde de Seixo convoca unha nova protesta para o día 12 de agosto
Por Redacción |
-
Mobilización veciñal contra os recortes na Atención Primaria no centro de saúde de Seixo
Por Redacción |
-
Sanidade confirma que se manterá a actividade asistencial no centro de saúde de Seixo
Por Redacción |
-
Seixo sae á rúa en defensa do centro de saúde
Por Oskar Viéitez |
-
Ramallo asegura que a "información oficial" é que o centro de saúde de Seixo "non pecha"
Por Oskar Viéitez |
-
A plataforma pola defensa do centro de saúde de Seixo pide o apoio de María Ramallo
Por Oskar Viéitez |