Cume entre a ministra de Industria e o alcalde de Cuntis para o desenvolvemento do polígono da Ran
Por Redacción
O alcalde de Cuntis, Manuel Campos, acudiu este xoves á presentación do Plan Turístico Nacional Xacobeo en Santiago e no evento coincidiu coa ministra de Industria, Comercio e Turismo, Reyes Maroto, coa que tivo a oportunidade de compartir uns minutos para explicarlle o proxecto de desenvolvemento industrial do polígono da Ran e os proxectos que alí pretenden instalarse e optar a fondos europeos.
A dinamización deste polígono industrial resulta de "vital importancia" para Cuntis e a propia ministra comprendeu a relevancia do plan, polo que convidou o rexedor a unha reunión de traballo co secretario de Estado para profundar no proxecto, supervisar os pasos dados e explorar todas as posibilidades para optar aos fondos da Unión Europea.
Reyes Maroto participou en Compostela na presentación do Plan Turístico Nacional Xacobeo 2021-2022 que busca servir de panca para reactivar o turismo e potenciar os Camiños s Santiago.
Relacionadas:
-
Desbloquean o futuro polígono da Ran tras dar luz verde ao seu desenvolvemento
Por Redacción |
-
Maica Larriba aborda coa xerente do SEA a situación dos parques empresariais da provincia
Por Manu Otero |
-
Unha empresa do sector do aluminio investirá 15 millóns de euros para instalarse no polígono de Cuntis
Por Redacción |
-
Reunión telemática para avanzar no futuro polígono industrial de Cuntis
Por Redacción |