Preparan actos de protesta contra o peche da oficina de Abanca en Campo Lameiro
Por Redacción
Comerciantes e empresarios de Campo Lameiro, convocados con urxencia, reuníanse no Salón de Actos do Centro Sociocultural Sobrino Buhígas co alcalde e representantes municipais para analizar as medidas que o Concello quere adoptar ante o "sorpresivo anuncio" do peche das oficinas de Abanca no municipio.
Carlos Costa, alcalde de Campo Lameiro, entende que hai que facer fronte a esta decisión empresarial unilateral porque deixará sen ningunha entidade financeira ao municipio. Lembra que existe unha alta porcentaxe de residentes con idades avanzadas, pensionistas na súa gran maioría que reciben a súa prestación económica a través de Abanca realizando as retiradas por portelo.
O rexedor lembra que a fenda tecnolóxica afecta directamente a este colectivo de persoas maiores e esta decisión de pechar a sucursal conlevará graves consecuencias sociais.
Por este motivo, desde o goberno local queren coordinar medidas de defensa ante esta decisión coa posibilidade de iniciar accións de protesta.
Este venres está convocada unha Xunta de Portavoces municipais para convocar un pleno extraordinario de repulsa e trazar liñas de actuación con mobilizacións coordinadas entre todos os grupos políticos. Carlos Costa considera que a actuación de Abanca atenta directamente contra os habitantes do rural galego xa que esta empresa decidiu eliminar sucursais noutros puntos como Carballedo en Cerdedo-Cotobade; Seixo, en Marín; Campelo, en Poio ou Carril e Vilaxoán, en Vilagarcía de Arousa.
Relacionadas:
-
Desencontro entre BNG e PP ao negarse os populares a nomear persoa non grata a Escotet en Cerdedo-Cotobade
Por Redacción |
-
Campo Lameiro redobrará a presión sobre Abanca tras a súa negativa a manter aberta a súa sucursal
Por Redacción |
-
Reclamación do BNG á Xunta para que presione sobre Abanca e evite o peche de oficinas
Por Redacción |
-
O Concello de Poio prevé cancelar as súas contas en Abanca e informará para que se faga extensiva no municipio
Por Redacción |
-
Os socialistas piden que a Xunta interveña no peche de Abanca en Campo Lameiro
Por Redacción |
-
Escotet será 'persoa non grata' en Campo Lameiro se pecha a oficina de Abanca no municipio
Por Redacción |
-
Feijóo e Carmela Silva piden responsabilidades polo peche de sucursais bancarias no rural
Por Oskar Viéitez |
-
Prevén desde o Concello un encontro con colectivos de Campelo para abordar o peche da oficina de Abanca
Por Redacción |
-
Campo Lameiro súmase á lista de peches de oficinas de Abanca
Por Redacción |
-
Abanca anuncia que en setembro pechará a oficina de Campelo
Por Redacción |
-
Peche definitivo da oficina de Abanca en Seixo con protesta dos comerciantes
Por Redacción |
-
Masiva protesta en Carballedo polo peche da sucursal de Abanca
Por Redacción |