A Xunta abre o proceso expropiatorio para construír unha senda peonil entre Pardavila e Cadro
Por Redacción
O Diario Oficial de Galicia (DOG) publica este martes o anuncio polo que se convoca para os meses de setembro e de decembro aos propietarios dos terreos necesarios para executar unha senda na estrada autonómica PO-313, entre Pardavila e Cadro, no concello de Marín.
O acto expropiatorio de levantamento de actas previas fíxase para o día 29 de setembro, entre as 10 e as 12 horas, no salón de plenos do Concello de Marín. Posteriormente, convocarase os titulares dos terreos á formalización das actas de ocupación, logo do aboamento dos depósitos previos
Esta nova actuación do departamento que dirixe Ethel Vázquez suporá un investimento autonómico de preto de 650.000 euros e os traballos contan dun prazo de execución de 9 meses.
Trátase da construción dun itinerario na marxe esquerda da estrada PO-313, no treito comprendido entre os puntos quilométricos 3+330 e 4+130, coa finalidade de seguir mellorando a seguridade viaria na contorna e fomentar a mobilidade sostible. O novo itinerario proxéctase en formigón cor terrizo e estará limitado exteriormente por un bordo que o diferencie do resto da plataforma. O ancho do itinerario será variable, sendo como mínimo de 1,8 metros.
De modo complementario mellorarase a seguridade viaria dunha intersección, instalarase unha nova marquesiña nunha parada de bus e trasladarase lixeiramente un cruceiro que hai na marxe esquerda da estrada.
Relacionadas:
-
Comezan as obras da nova senda na estrada PO-313 entre Pardavila e Cadro
Por Redacción |
-
As obras da senda peonil entre Pardavila e Cadro comezarán na primavera
Por Redacción |
-
Trece empresas ofrécense para executar unha senda na PO-313 entre Pardavila e Cadro
Por Redacción |
-
A Consellería licita a construción da senda peonil na PO-313 entre Pardavila e Cadro
Por Redacción |
-
Arrancan as obras de creación da senda peonil e ciclista entre Coirados e Pardavila
Por Redacción |
-
A empresa Narom fará as obras da senda entre Coirados e Pardavila
Por Redacción |