Poio encara a última semana de agosto rozando o 90% de ocupación turística na primeira quincena
Por Redacción
O Concello de Poio e a actividade vinculada ao turismo no municipio encaran a última semana de agosto rozando o 90% de ocupación durante a primeira quincena do mes. Así resulta dos datos solicitados pola Concellería de Turismo entre hoteis, apartamentos turísticos e casas rurais. Esa porcentaxe superá en máis dun 20% ao que se rexistrou nas mesmas semanas de 2020 e é semellante ao de anos anteriores á pandemia.
O resultado da primeira metade de agosto supera as expectativas máis optimistas que manexaba o sector, que as situaba entre o 70 e 80%, e esperan que esta segunda quincena conclúa igualmente neses parámetros de ocupación que case supoñen un cheo total. Máxime cando esta fin de semana pasouse ao nivel medio de restricións, o que está a permitir un maior aforo para a restauración e a hostalería nocturna.
A concelleira desta área, Silvia Díaz, apunta o esforzo e profesionalidade do sector "nun contexto tan difícil". A recuperación turística tamén se constata nun incremento do número de persoas que se pasaron polas oficinas de turismo de Poio. Na primeira quincena máis de tres mil persoas realizaron consultas nesas dependencias; cifra que está por encima da que se alcanzou en 2018.
Segundo o perfil que se extrae destas persoas, o turista que chegou a Poio é en gran maioría turista español, aínda que tamén se rexistraron con orixe en Francia, Portugal, Reino Unido e Italia.
Relacionadas:
-
Poio pechou setembro con niveis de ocupación turística de prepandemia
Por Redacción |
-
A Festa do Mar comeza en Combarro co Armadiña Rock e o encontro de embarcacións tradicionais
Por Redacción |
-
Os datos de ocupación hostaleira en Poio xa rozan cifras anteriores á pandemia
Por Redacción |
-
As oficinas de información turística Rías Baixas suman outros dez distintivos "Q de calidade"
Por Oskar Viéitez |