Empapelan Campo Lameiro con necrolóxicas convidando a asistir ao 'velorio' pola sucursal de Abanca
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os veciños de Campo Lameiro seguen visibilizando o seu enfado pola decisión de Abanca de pechar a única sucursal bancaria do municipio.
Este martes o centro da localidade amenceu cheo de necrolóxicas convidando a participar no 'velorio' na honra da sucursal que se celebrará o mércores, día 8, día que previsiblemente a oficina deixará de estar operativa.
O cortexo fúnebre, cos veciños portando velas e cirios, achegados polo Concello, ten previsto arrancar ás 21.30 horas desde a Praza do Concello para dirixirse ata a sede bancaria, no que se escenificará un particular enterro.
Paralelamente a esta protesta, o alcalde de Campo Lameiro, Carlos Costa, confirmou o envío de solicitudes de entrevistas con responsables de zona doutras entidades bancarias coa intención de expoñer a situación na que queda o municipio e tentar que se manteña o servizo bancario.