O BNG leva ao Congreso a seguridade da N-541 en Calvelo
Por Redacción
O Bloque Nacionalista Galego defenderá no Congreso dos Deputados a necesidade de mellorar a accesibilidade e seguridade da estrada Nacional 541 ao seu paso por Calvelo, en Cerdedo-Cotobade.
Segundo avanza a formación local, o deputado Néstor Rego reclamará en Madrid que se habilite un paso elevado por encima do vial que comunique a parroquia, que se cre un carril de incorporación en dirección Ourense e que se habilite unha pasarela peonil paralela á estrada que garanta a seguridade aos peóns entre Calvelo e Tenorio.
Aos problemas de inseguridade que supón o tráfico dunha estrada como a N-541, únese segundo o BNG unha estreita beiravía e unha marquesiña de autobuses que se asolaga cando chove.
Rego, anuncia o BNG, acudirá o vindeiro sábado 23 de outubro a Cerdedo-Cotobade para manter unha reunión cos veciños e posteriormente participar nunha concentración de protesta convocada ás 12.00 horas á altura do almacén de Celso Míguez para demandar a mellora "urxente" da seguridade na zona.
Ademais a formación defende que "vai seguir insistindo con todas as nosas forzas até lograr que o ministerio de Fomento poña solucións", asegura o seu portavoz local, Ernesto Filgueira.
Relacionadas:
-
Jorge Cubela presenta en Madrid as reivindicacións de mellora da seguridade vial na N-541
Por Redacción |
-
BNG e veciñanza concéntranse para pedir melloras na N-541 en Calvelo
Por Redacción |
-
Cubela, molesto co Goberno central, pide un pacto entre municipios para reclamar melloras de seguridade viaria na N-541
Por Redacción |
-
Un accidente na N-541 agrava as críticas dos vecinos de Calvelo
Por Sofía Lorenzo |