Salvados avanza o seu programa sobre a presenza de Ence na ría cun paralelismo coa serie 'La casa de papel'
Por Redacción
"Te traigo un guion. Es buenísimo", con esta frase comeza Fernando González "Gonzo", presentador do programa Salvados de La Sexta, o avance que xa se pode ver nas redes sociais sobre o contido que se emitirá este domingo 21, a partir das 21.25 horas.
O guión centrarase en Ence e nos movementos ao redor da empresa pasteira con especial protagonismo da Asociación pola Defensa da Ría (APDR), con Leonor González "Nené", que aparece como "líder carismática" neste avance. Tamén figurará o actor vigués Pedro Alonso, coñecido internacionalmente polo seu papel como Berlín en 'La casa de papel'.
Precisamente, o programa xoga co dobre sentido en relación coa serie e levará por título 'Ence. La casa del papel', con referencias ao enfrontamento que a APDR mantén con "líderes moi poderosos" ao mesmo tempo que aparece a imaxe de Núñez Feijóo con Gonzo ou Isabel Tocino, ex ministra de Medio Ambiente e actual integrante do Consello de Administración de Ence.
O programa emítese aproveitando a actual situación da fábrica pasteira que se atopa pendente da admisión a trámite polo Tribunal Supremo dos diferentes recursos presentados despois das tres sentencias contrarias da Audiencia Nacional á prórroga concedida á entidade polo goberno en funcións de Mariano Rajoy en 2016. Namentres, traballadores da factoría tentan buscar solucións alternativas para que Ence permaneza na súa localización a través da adscrición dos terreos ao Porto de Marín.
A mí me suena de algo. pic.twitter.com/McqQel9hDv
— Salvados (@salvadostv) November 17, 2021
Relacionadas:
-
O Club Tenis de Mesa Monte Porreiro, Carmen Quinteiro, Nené, Anxo González Guerra e Vitoria Ogando optan aos Cidade de Pontevedra
Por Redacción |
-
A espada de Damocles que pende sobre ENCE
Por Alejandro Espiño |
-
A Autoridade Portuaria pedirá a adscrición dos terreos de Lourizán "con ou sen ENCE" e incluíndo os de Elnosa
Por Oskar Viéitez |
-
Feijóo, "máis tranquilo" tras comprometerse Teresa Ribera a que ENCE "quede en Galicia"
Por Natalia Puga |
-
A APDR calcula que, de facerse firme a sentenza, en 2023 debe parar a actividade de Ence en Lourizán
Por Anxo Lourido |
-
Terceira sentenza da Audiencia Nacional que anula a prórroga concedida a ENCE
Por Alejandro Espiño |
-
Tenso debate no Parlamento de Galicia, que rexeita o "cambio de criterio" da Avogacía do Estado na prórroga a Ence
Por Redacción |