Cambio de residuos perigosos por árbores en Cerponzóns
Por Redacción
Os veciños de Cerponzóns levaron á súa casa este domingo árbores a cambio da súa participación na campaña de recollida de residuos perigosos e contaminantes desenvolvida pola Asociación de Veciños O Chedeiro en colaboración da Concellería de Desenvolvemento Sostible.
Esta campaña iniciouse con motivo do Día Internacional dos Bosques, co obxectivo de recoller desperdicios como pilas, cartuchos de tinta ou cargadores e evitar o seu refugallo en lugares non apropiados, concienciando así aos veciños da necesidade de darlles un tratamento que evite a contaminación.
En total, confirma a concellería, recolléronse máis de 3.000 cartuchos e pilas.
Á entrega de árbores aos veciños acudiron varios membros do goberno local, como son os edís de Desenvolvemento Sostible, Iván Puentes, o tenente de alcalde Tino Fernández, a concelleira responsable da parroquia Pilar Comesaña, e a responsable de Promoción Económica, Yoya Blanco.
Relacionadas:
-
O río Rons baixa branco á altura da ponte Malvar
Por Anxo Lourido | Creada e actualizada
-
Propoñen ceder os quioscos abandonados a asociacións culturais e veciñais
Por Redacción |
-
O Marco de Perre, un monolito para conservar os topónimos de Cerponzóns
Por Redacción |
-
Cerponzóns rende homenaxe aos deportistas da parroquia
Por Redacción |