Limpan a maleza da Ponte Nova de Fentáns
Por Redacción
O Concello de Cerdedo-Cotobade culmina a limpeza e conservación da ponte de Fentáns, tamén coñecida como A Ponte Nova ou Ponte de San Xusto, e que ten datada a súa construción a finais do século XVIII.
Esta actuación enmárcase nas que está levando a cabo o Concello coa colaboración da Axencia Galega de Turismo da Xunta de Galicia e que permitiu o investimento duns 46.000 euros na recuperación patrimonial das tres pontes antigas que cruzan o río Lérez e que dan orixe a unha ruta de sendeirismo de vital importancia para a promoción turística do municipio no marco do xeodestino mancomunado de Terras de Pontevedra.
Ademais da Ponte de Fentáns, o Concello de Cerdedo-Cotobade interveu no viaducto sobre o Lérez de Parada de Cerdedo e Serrapio-Pedre que recuperan grazas a esta actuación o esplendor de tempos pasados ademais de consolidar as súas estruturas de conservación e seguridade.
Os traballos foron executados pola empresa Ecogarden Galicia, que foi a adxudicataria do concurso público. As actuacións realizadas consistiron en labores de limpeza e desbroce de accesos así como dos lugares afectados pola presenza de vexetación invasiva que, en moitos casos, provocaban accións de desgaste e poñían en perigo a propia estabilidade do viaducto.
Tamén se fixeron labores de consolidación e recolocación de pedras que se atopan movidas ou en estado de perigo de desplome coa intención de garantir a seguridade da propia construción así como a súa conservación.
Relacionadas:
-
O Concello e a Xunta restaurarán o petróglifo de Fentáns, vítima dunha agresión vandálica
Por Redacción |
-
Proxectan a eliminación de especies invasoras nun treito do río Lérez que discorre por Santo André de Xeve
Por Redacción |
-
Proxectan unha rampla de madeira para mellorar a accesibilidade da praia fluvial de Calvelo
Por Redacción |
-
O Concello promocionará as xoias do románico en Cerdedo-Cotobade
Por Redacción |
-
Posta en valor dos recursos arqueolóxicos de Cerdedo-Cotobade
Por Redacción |
-
Continúa a recuperación da Ruta do Lérez coa rehabilitación da ponte medieval de Parada de Cerdedo
Por Redacción |
-
Poñen en valor as pontes de Pedre-Serrapio, Fentáns e Parada
Por Redacción |
-
Acondicionan varias estacións rupestres de petróglifos en Campo Lameiro e Cotobade
Por Oskar Viéitez |
-
Comeza a limpeza da contorna dos petróglifos de Fentáns en Cerdedo-Cotobade
Por Redacción |