Bolsa dos Desexos, a iniciativa para promover a doazón de sangue, órganos e tecidos
Por Redacción
A Asociación de Amigos da Pontevedrada (Asampo) anuncia que o sábado 15 de xaneiro instalará na praza da Peregrina entre as 15:00 e as 22:00 horas unha mesa informativa co obxectivo de promover a importancia da doazón de sangue, órganos e tecidos entre a cidadanía pontevedresa.
Todos os que se acheguen ata a carpa poderán ademais depositar os seus soños e ilusións na denominada Bolsa dos Desexos, que será levada por relevos desde Tui ata Santiago para seren depositados na Capela da Corticela da Catedral compostelá e pasar así a formar parte do fume do botafumeiro.
Esta iniciativa, desenvolvida en colaboración coa Concellería de Actividade Física e Saúde do Concello de Pontevedra, porase en marcha ese mesmo sábado 15, día no que a comitiva de Asampo partirá de Tui ás 8:00 horas. Nesa xornada o colectivo emprazará mesas informativas en diferentes concellos ao longo do percorrido.
O tenente de alcalde, Tino Fernández, anima a todos os pontevedreses a participar desta Bolsa dos Desexos de Asampo, "unha asociación sen ánimo de lucro que fai un labor inxente na promoción da doazón de sangue, órganos e tecidos e que, con este tipo de iniciativas, permite visibilizar unha cuestión fundamental no eido socio sanitario".
Relacionadas:
-
A Pontevedrada achégase ao milleiro de rexistrados para a súa edición de 2022
Por Redacción |
-
Desexos que difunden a doazón de órganos e tecidos e o botafumeiro axuda a cumprir
Por Natalia Puga |
-
Protección Civil de Caldas xa ten o recoñecemento de ASAMPO
Por Redacción |
-
Recoñecemento de ASAMPO a Protección Civil de Caldas na campaña 'Quere a quen te quere e dillo'
Por Redacción |
-
A Praza do Obradoiro, "saída e meta" da Pontevedrada 2021
Por Redacción |
-
"Deixa os teus órganos ao final do camiño para que outras persoas poidan terminar o seu"
Por Oskar Viéitez |